LA UNION – Ngimmato iti blood pressure ni Gina Acosta (150/100), iti Special Disbursement Officer ti Office of Vice President (OVP), kalpasan ti panang-sungbat na kadagiti salodsod dagiti mammanday linteg a miyembro ti House committee on good government and public accountability, seknan iti disbursement iti P125 million confidential funds ti OVP idi 2022.
Naiturong idiay Veterans Memorial Medical Center (VMMC) ni Acosta pasado alas 6:00 ita a rabii babaen ti ambulansiya kalpasan nga indeklara nga emergency ni House Medical Director Luis Bautista.
Ni VP Sara Duterte a dimmar-ay iti hearing ti nang-kadwa kenni Acosta iti pannakaiturong na iti ospital.
Iti committee hearing, inaklon ni Acosta nga in-turnover na iti P125 million a confidential funds ti OVP iti maysa a “Colonel Lachica” a makunkuna a head iti Vice Presidential Security and Protection Group (VPSPG), iti laksid nga isuna ti disbursing auditor.
Iti statement ni Acosta ket kapad-pada iti imbaga ni sigud a DepEd special disbursing officer Edward Fajarda, a ti security officer a dinutukan ni Duterte iti responsable ti disbursing iti confidential funds.
Ngem iti dinakamat ni Fajarda a security officer iti OVP ket maysa a Col. Dennis Nolasco.
