LA UNION – Nagpalawag ti Oversease Worker Welfare Administration (OWWA) Regional Office-1 maipapan iti nabayag a panagsungbat maipapan ti naidatag a parikot iti maysa nga overseas Filipino worker (OFW) a biktima iti panangmaltrato idiay pagilyan ti Oman.
Kinuna ni Welfare Assistance Unit Head (WAU) Loreta B. Vergara ti OWWA Regional Office-1, naipakaammodan iti Philippine Overseas Labor Office (POLO) maipapan iti kasasaad ti nasao nga OFW a ni Ermelita Gasalao a taga Bacnotan, La Union.
Sigun kenni Vergara, sinungbatan metten ti POLO iti impatulodda a communication letter babaen ti email ngem saanda a makarruar nga insigida tapno saraken ni Gasalao gapu ta naipasidong iti lock down ti Oman kas panangprebentar ti COVID-19.
Ginandat met nga impakaammo iti OWWA ti local employer iti nasao a parikot ti OFW ngem awan ti sumungsungbat iti awag ti telepono.
Kabayatanna, impanamnama ti OWWA a tutukanda ti nasao a kasasaad ni Gasalao agingga a maisalakan daytoy manipud ti panangmaltrato ti amona.
Naammuan a June 3, 2020 ket immasideg iti OWWA ti pamilya niti Gasalao tapno gumawawa iti tulong.
