Inawat ti lokal a goyberno ti Santol, La Union ti Community-based Swine Production Through Clustering and Consolidation Project manipud iti Livestock Program ti Department of Agriculture. Paset daytoy ti Integrated National Swine Production Initiatives para iti Recovery and Expansion wenno INSPIRE program.
Ti umuna a proyekto para iti probinsya ti La Union ita a tawen ket aggatad iti P10 million ken makatulong kadagiti panagregget a mangpaadu manen iti populasyon ti baboy ken mangipaay kadagiti interbensyon.
Iti biang dagiti agtartaraken iti baboy a nakaro a naapektaran iti panagraira ti African Swine Fever (ASF) outbreak, impeksa ni Santol Mayor Magno Wailan ti panagyamanna iti Department of Agriculture iti panangtedna kadakuada iti kastoy a proyekto.
Kinunana, no saan a makaala ti panagtaraken ti baboy iti tulong manipud iti gobyerno ket mabaybay-an daytoy. Dayta ti gapuna a kangrunaan a panggep ti agtultuloy a panangparang-ay iti benneg ti agrikultura
Kabayatan ti awarding ceremony dinar-ayan daytoy ti La Union First District Representative Paolo Ortega, empleyado ti DA Regional Field Office 1, ken dagiti opisyal ti LGU.
