LA UNION – Umabot iti P100,000 iti inted a financial assistance ti lokal a gobyerno ti
Bacnotan, La Union para kadagiti dua nga archers a makipaset iti Palarong Pambansa 2018 idiay Vigan City, Ilocos Sur.
Daytoy ti kinumpirma iti Bombo Radyo La Union ni Elsie Mayo, principal iti Bacnotan National High School.
Segun kenni Mayo, iti nasao a kantidad ket tulong ti LGU Bacnotan para kadagiti atleta nga isuda Shanylle Samson ken Rogelene Faith Arellano, agpada a Grade 8 students ti nasao a pagadalan, a paggatang iti arwaten dagitoy a makipaset iti kadackelan nga sporting event ti pagilian.
Dagiti dua a lady archers iti mangibagi ti Region 1 kontra iti atleta manipud sabali a rehiyon ditoy pagilian.
Maipalagip a kabilang da Arellano ken Samson Udyong Archery Club a nag-rank No.6 iti naisayangkat nga International Archery Tournament 2018 idiay Malaysia itay laeng nabiit.
