LA UNION – Mangited iti P100,000 a tulong ti lokal a gobyerno iti ili ti Bauang, La Union para kadagiti nagbalin a biktima iti panag-alburuto ti Bulkan Taal idiay probinsya ti Batangas.
Kinuna ni Bauang Municipal Councilor Gabriel Sotto, ti nasao a kantidad ket inaprobaran iti sibubukel a konseho ti ili tapno mainayon a paggastos para ti pagkasapulan dagiti umili ti nasao a probinsya.
Sigun kenni Sotto, maipaima nga umuna ti nadakamat a tulong iti Batangas Provincial Government.
Immuna iti daytoy, pakabuklan a P300,000 met iti ipatulod a tulong ti La Union Provincial Government para kadagiti Taal volcanic survivors.
