BR LA UNION – Nainget nga ipatungpal ti Commission on Elections (COMELEC) iti ‘liquor ban’ a mangrugi ita nga aldaw, Mayo 11 ken agpaut aginga iti kaaldawan ti panagbobotos.
Nagballaag ni Commission on Elections (COMELEC) Chairman George Erwin Garcia a siasinoman nga aglabsing daytoy ket mabalin a mamulta ti Php 1000 agingga Php 6000 wenno maibalud.
Kinunana a liklikan pay laeng ti uminom ti nasanger kangrunaan kadagiti pampubliko a lugar tapno saan a makaswan.
Iti ‘liquor ban’ ket maiyanurot iti COMELEC Resolution No. 11057 a maiparit ti agilako, gumatang, mangidiaya, agipadawat ken uminom ti alcoholic beverages maysa nga aldaw sakbay iti eleksiyon.
