Nagpatigmaan ti Department of Trade and Industry (DTI) – La Union Provincial Office kadagiti negosyante a saan nga aglako iti uncertified products tapno masalwadan ti aglawlaw ken iti karbengan dagiti consumers.
Daytoy ket kasaruno ti panangdadaelda iti P125,000 a balor iti nakumpiska a lighters, Christmas lights, electrical tapes, steel bars, and steel wires idiay San Fernando City Sanitary Landfill.
Paset daytoy iti ceremonial destruction kas pananglagip iti National Standards Week kadagiti uncertified products a nakumpiskar kabayatan iti monitoringda kadagiti naduma-duma a pagtagilakuan.
Dagiti nasao a banag ket saan a pimmasa iti panangrukudan nga standards iti ahensiya kasaruno iti pammaneknek a naglabsing dagiti negosyante iti Fair Trade Law.
Sigun iti DTI, iti inaramidda a panangdadael kadagiti sub-standards wenno peke a produkto ket palagip kadagiti negosyante lalo ita nga umasidengen iti panawen ti Paskua.
