LA UNION – Dumanon iti P15,000.00 a kuwarta wenno cash money iti tinakaw ti maysa a suspek manipud iti maysa a hardware store iti Barangay Lingsat, San Fernando City, La Union.
Iti insidente ket in-report iti San Fernando Police Station iti mismo nga akinkukua ti R.Y. Commercial, managan Grace Tonosa, 40, addaan ti asawa ken residente ti nasao met laeng a lugar.
Maibasar iti naala ti CCTV footage, maysa a saan pay a nabigbig a lalaki, nga inabbungan na ti rupa na, iti nangserrek ti nasao a puwesto, idi parbangon ti Sept. 24.
Sakbay nga innala na iti P15-k cash money manipud iti drawer ket inuksot na nga immuna iti sak-sakan ti CCTV camera.
Agtultuloy iti isay-sayangkat nga imbestigasyon dagiti otoridad iti nasao nga insidente.
