LA UNION – Dinadael dagiti kameng iti Philippine National Police ken Philippine Drug Enforcement Agency (PDEA) ti nadiskobre a pagmulmulaan iti marijuana idiay kabanbantayan a paset iti Barangay Takadang, ili ti Kibungan, Benguet.
Sigun kenni Lt. Jerry Arzabal, hepe ti Sugpon Municipal Police Station iti probinsya ti Ilocos Sur, umabot iti 8,100 fully grown ken 10,000 seedlings iti marijuana ti inuramda tapno saanen a mapagnumaran dagitoy.
Mapatta-patta a P2.4 million iti balor dagiti nasao a mula.
Napaay met dagiti pannakabagi iti linteg a matiliw ti mangay-aywan ti marijuana plantation.
Ti nasao a pagmulmulaan iti marijuana ket masarakan iti paset ti tri-boundary iti probinsya ti Ilocos Sur, La Union ken Benguet.
