LA UNION – Inuram dagiti otoridad idiay Camp Diego Silang iti siudad ti San Fernando, La Union dagiti iligal a droga a nakumpiskar dagitoy idi napalabas a tawen kadagiti insayangkat da nga anti-illegal drug operations ditoy probinsya.
Naamwan nga umabot iti P1.9 million a balor ti shabu ken P800,000 a balor ti marijuana wenno pakabuklan a P2.8 million.
Sigun kenni La Union Vice-Gov. Aureo Nisce, nagserbi kas key note speaker iti naangay a ceremonial burning, dinayawna dagiti miyembro ti La Union Police Provicial Office ken Philippine Drug Enforcement Agency (PDEA) iti agtultuloy a kampanya kontra iti maiparit nga agas.Pinalagipan ti opisyal dagiti enforcers a saan nga agpasilaw iti kwarta tapno isukat ti pannakaibasura dagiti kaso kontra kaditi drug users ken drug pushers a matiltiliw.Sinigurado ni Nisce ti sibubukel a suporta ti lokal a gobierno kontra iti droga.
