LA UNION – Am-ammuen ita dagiti otoridad iti adda ti likudan ti nadiskobre a marijuana plantation idiay kabanbantayan ti Barangay Caoayan, ili ti Sugpon, Ilocos Sur.
Naammuan ti Bombo Radyo manipud iti Philippine Drug Enforcement Agency (PDEA) Regional Office-1, umabot iti P2,000,000 iti balor ti marijuana iti pinarot dagitoy a nakamula manipud iti 1,400 square meters a kalawa ti plantasyon.
Inuram met laeng iti otoridad dagiti nasao a mula tapno saanen a mapagnumaran.
Kaddua ti PDEA iti naduma-duma a unit ti Police Regional Office-1 iti nasao nga operasyon.
