LA UNION – Impanamnama ti Office of Provincial Agriculturist a maikkan iti tulong dagiti mannalon karaman dagiti fish pond owners a nakaro a naapektaran ti bagyo Ineng iti probinsya ti La Union.
Iti pannakiuman ti Bombo Radyo kenni Provincial Agriculturist Ramon Laudencia, kinunana a nagpasen ti naisayangkat nga assessment ken validation maipapan ti namsaakan iti bagyo ket ipasada ti naaramid a report idiay opisina ti gobernador ken iti provincial board tapno maisaganan dagiti maipaay a tulong.
Sigun kenni Laudencia, P4,511,577 iti pakabuklan a balor iti nadadael iti benneg ti agrikultura iti probinsya.
Manipud ti nasao a gatad, P1,732,477 iti napirdi a kapagayan; P1,226,500 para ti high value crops; ken P1,552,600 ti napukaw iti fishery.
