LA UNION – Mapatta-patta nga agbalor ti nasurok P438,000 dagiti mapukpukaw a gadgets manipud iti maysa a pagtagilakwan wenno General Merchandise, a nakabase iti Barangay Sevilla, San Fernando City, La Union.
Base iti report iti San Fernando City Police Station, nadiskubre a mapukpukaw dagiti nginginaen a gadgets babaen iti naiganwat nga imbentaryo ti akinkukua.
Saan pay a madetermina iti kinasiasino iti suspek ngem daytoy ti nainget ita nga im-imbestigaran ti pulisiya.
Maipalagip nga idi umuna nga aglukat ti nasao a pagtagilakwan idi December 18, 2016 natakawan manen daytoy iti nagduduma met laeng a gadgets nga agbalor ti P700,000 babaen iti panangabut dagiti suspek iti likod ti pader ti nasao a puwesto.
