LA UNION – Arestado ti dua a tattao karaman ti maysa a barito gapu iti illegal a panagpukanda iti kayo idiay Sitio Dilan, Brgy. Lacong, San Gabriel, La Union.
Nabigbig dagiti dua a da Leo Valdez, 45-anyos, chainsaw operator ken maysa a 14-anyos a menor de edad.
Nakumpiskar kadakuada ti 75 a pidaso ti mahogany lumber ken lima a gmelina logs nga addaan iti rukod a 1,529 board feet ken aggatad iti P45,895.
Naala pay kadakuada ti maysa a chainsaw nga awanan iti permit.
Dagus met a naipasidong iti ikut ti Provincial Environment and Natural Resources Office dagiti nakumpiskar a kontrabando.
