LA UNION – Sumangsango iti kaso a panaglabing iti RA 9165 wenno Comprehensive Dangerous Drugs Act of 2002 ti maysa nga mister kalpasan iti insayangkat a buy bust operation dagiti otoridad idiay Barangay Ortiz ili ti Naguilian, La Union.
Nabigbig ti suspek a ni Oliver Rebano, 35, jitney driver, residente ti Barangay Mamat-ing Norte, iti nasao nga ili.
Immuna ditoy, nangisayangkat ti buy bust operation iti Naguilian Police Station babaen ti pannakikoordinar iti Philippine Drug Enforcement Agency Regional Office nga nagresulta iti pannakakumpiskar ti (2) plastic sachet ti maipagrop nga dried marijuana leaves with fruiting tops ken P500 a buy bust money.
Iti agdama, agtaltalinaed iti kustodiya dagiti otoridad ti suspek pakairamanan dagiti nakumpiskar kenkuna para iti naan-anay nga disposisyon.
