Inaprobaranen iti House Committee on Appropriations iti singasing a P7.2 Trillion national budget para inton tawen 2027.
Kinuna ni Committee Chairperson Mikaela Suansing a saan nga unanimous iti panangaproba ken naipasa iti report nga awan dagiti naamyendaran bayat a saan pay a nakatartaripnong ti Budget Amendments Review Subcommittee (BARSC).
Dakamaten iti subcommittee dagiti posible a panagbalbaliw, karamanen iti kanayunan a pondo para ti panangawat kadagiti baro a mannursuro ken ARAL program iti Department of Education.
Kummiddaw met iti Department of Agriculture iti kanayunan anga alokasyon para ti fertilizer assistance ken solar-powered irrigation pumps kas sungbat iti epekto iti El Niño.
Impasigurado ni Suansing a mai-livestream dagiti sumaganad a panagdengngeg ti subcommittee tapno agbalin a silulukat iti publiko dagiti panagbalbaliw wenno realignment iti nasyonal a pondo.
Nangrugi iti plenary debates idiay Kamara ita nga aldaw ti Martes, Setyembre 15, ken tarigagay maipasa iti 2027 budget sakbay iti Oktubre 9.
