LA UNION – Madama a mangisaysayangkat iti imbestigasyon ti pulisya maipapan iti napasamak a panangitaray dagiti holdaper iti P80,000 a kwarta a napaglakuan ti maysa a farm supply idiay Barangay Damortis, ili ti Sto. Tomas, La Union.
Naammuan ti Bombo Radyo manipud idiay Sto. Tomas Police Station, kabayatan ng ur-urayen dagiti dua nga helper nga addaan ti tugot a bag a naglaon iti nasao a kantidad ti kwarta nga agsirra ti kahera iti pagtratrabahuan dagitoy ket killaat nga immasideg iti dua a holdaper a nakalugan iti maysa a motorsiklo kasaruno iti panangipasarang ti paltog.
Iagaw dagiti suspek ti bag ken dagus a naglibas dagitoy.
Saan met a nairupaan dagiti biktima dagiti holdaper gapu ta naka-face mask dagitoy.
