LA UNION – Natay iti maysa a pulis ken maysa a padi idi rinaut dagiti armado a suspek ti sinagoga ken simbaan idiay Derbent City probinsiya ti Dagestan.
Kinuna ni Dagestan Public Monitoring Commission Chairman Shamil Khadulaev, adda koordinasyon ti panagraut iti dua a lugar.
Natay ni Father Nikolay iti simbaan idiay Derbent kalpasan a linaslas da ti tengnged ti 66-anyos a padi.
Uray iti guwardiya ti simbaan ket napaltugan.
Inuram met dagiti suspek iti synagogue a nakatayan ti pulis a nagresponde iti insidente.
Agtultuloy iti imbestigasyon ken dagus a naiyuswat ti operasyon para iti pannaka-arestar dagiti suspek.
