Imbinglay ni Senador Risa Hontiveros nga agtaltalinaed a natibker dagiti residente ti Pag-asa Island iti laksid ti panagharang dagiti barko ti China iti panagkalapda iti ancestral fishing grounds.
Aktibo nga aggungunay iti lokal a gobierno ken dagiti mangngalap tapno ilaban iti pagbiaganda, bayat nga agtultuloy iti panangitandudo ti serbisio pangsalun-at ken edukasion iti isla.
Segun kenni Hontiveros, marikrikna ti komunidad iti balligi ti Pilipinas iti arbitral award idi 2016 ken maipaspasa pay daytoy kadagiti agtutubo.
Mainaig ditoy, maitantandudo idiay Senado ti West Philippine Sea Mandatory Education Bill tapno paunegen iti ammo dagiti Pilipino iti kinapateg ti panangisakit iti karbengan ti pagilian iti kabaybayan.
Innayon pay ti senadora, nanayunan ti ₱8.6 billion iti pondo ti Philippine Coast Guard ita a 2026 tapno papigsaen iti operasion sadiay West Philippine Sea, karaman iti panaggatang dagiti baro a barko.
Imbilang na met a napateg iti panangipasdek ti baro a Coast Guard district iti lugar kas sungbat iti agtultuloy a pannakibiang ti China.
Malaksid iti presensya ti gobierbo, manamnama iti suporta manipud ti Catholic Church a mangipatakder ti kapilya, kasta met dagiti pribado a sektor ken civil society groups.
Para kenni Hontiveros, inspirasion ti inaldaw dagiti residente ti Pag-asa Island iti “West Philippine Sea, atin ito.”###
