Kagiddan iti naisayangkat nga Press Conference idi kalman, Mayo 29,2026 agtultuloy iti pannangallukoy iti Pag-IBIG Fund kadagiti amin a miyembro na a padasen dagiti programa a sagut iti nasao a ahensiya.
Linged iti pakaammo iti kaadwan a miyembro, adda iti idiay diaya a program loan iti nasao a ahensiya nga saan laeng a nakapamaysa iti pabalay nu di ket pati pay iti negosyo.
Segun Atty. Marcial C. Pimentel Jr. Acting Deputy Chief Executive Officer – Member Services Cluster, bayat iti panag-avail kadaytoy a program loan, saan ka laeng nga agin-invest para iti negosyo, nu diket agin-invest pay iti para ti masakbayan a balay ken napintas a masakbayan.
Maysa iti Barkada loan a diaya nga program loan iti nasao nga ahensiya para kadagiti miyembro partikular kadagiti agbabarkada wennu agpapagayam.
Daytoy nga program loan ket makatulong kadagiti agpupuunan tapno maituloy iti arapaap da a negosyo.
Innayon pay ni Atty Pimentel, a nalaos nga makatulong daytoy a loan kadagiti agbalbalak nga agnegosyo ngem kurang iti budget na.
Segun kenkwana, amin a miyembro iti nasao nga ahensiya ket mabalin a agloan kadaytoy ngem nu saan a maitunos iti kasapulan da iti karga ti bukod da nga account ket mabalin nga aguummong dagiti agbabarkada tapno mas dakdakkel pay iti nailoan da a pangrugi iti negosyo.
Segun pay kenkwana, awan iti sursuruten a tawen wennu kinapaot ti panagbalin a miyembro tapno makaloan iti ahensiya, basta miyembro ken aktibo iti nasao nga benipisyaryo ket ma-avail na daytoy a serbisyo.
Iti sabali nga bangir, palawag na pay nga bassit laeng iti poriento iti nasao nga loan nu idasig kadagiti dadduma a loan.
Innayon na pay nga aginggana nasapa ket gundawayan daytoy dagiti mangmangged a Pilipino iti pagsayaatan a sagot ti aktibidad.
Kabayatanna, impasigurado na kadagiti amin a daytoy a sagut ket agtultuloy tapno ad-ado pay a Pilipino iti matulungan ti ahensiya. (Report by Bombo Danico)
