LA UNION – Mas “specific” itan ti PAGASA iti panangibinsa-binsa dagiti lugar a nakapasidong iti warning signals nu adda iti bagyo.
Daytoy iti makagapo nu apay nga adda dagiti probinsiya a saanen a sapasap a maipasidong iti warning signal, ngem ketdi sumagmamano laengen nga ili, depende iti sakopen iti bagyo.
Iti eksklusibo a pannakiuman ti Bombo Radyo La Union kenni Lt. Jaypee Abuan, spokesman iti Naval Forces Northern Luzon (NFNL), makatulong ti nasao a sistema ita ti weather bureau, tapno ammo da dagiti lugar a nangnangruna a mabantayan iti panawen ti kalamidad.
Inyarigna iti agdama a kasasaad ti panawen, nga iti panagduprak ti bagyo Ulysses ket iti southern portion laeng ti La Union iti apektado(Burgos, Naguilian, Bauang, Caba, Aringay, Tubao, Pugo, Santo Tomas, Rosario, Agoo).
Segun kenni Abuan, partikular a nakabantay da ita kadagiti coastal towns gaputi naipaulog nga storm surge warning.
Sakop ti NFNL iti probinsiya ti La Union, Zambales, ken Pangasinan.
