Tuloy latta ti panangallukoy kadagiti blood donors nga agidonar ti dara dagitoy.
Daytoy ti kinuna ni Mauro Marzan, Regional Blood Coordinator, Ilocos Region iti pannakiuman ti Bombo Radyo La Union kenkuana.
Segun kenni Marzan, ti panagdonar ti dara kuna ket sagudayen iti National Vouluntary Blood Services Program wenno RA 7719 nga idi pay 1984 a nangrugi.
Gagem kuna ti programa a maisigurado nga amin nga dara a maited ket natalged para iti umawat iti daytoy.
Tarigagay na pay nga awanen kuman iti bayad na ti agdonar ti dara no diket boluntaryo.
Maysa pay a programa dagitoy ket iti panagturongda iti Barangay tapno iyawis iti blood donation kadagiti tattao.
Mainaeg iti daytoy, nainget iti panangisayangkatda ti eksaminasyon kadagiti dara a maidonar tapno makita iti kinatalged na no sadino babaen iti daytoy ket maamuan pay no ti maysa a blood donor ket adda sakitna wenno saan a mabalin nga agdonar.
Dumalan nga umuna ti screening ti blood donor ken per batch dagitoy tapno maliklikkan iti panagdudupudop ken masapol nga masurot iti health protocol.
Iti sabali a bangir, iti laksid nga adda pandemya ket adu latta ti maal-alada nga agdunar ti dara no sadino uray aldaw ti Sabado ken Domingo ket nakalukat iti opisina dagitoy.
