Burburtsa ita iti pudno a nakatayan ti maysa nga mister gapu iti agduma a diagnosis ti dua nga doktor a nangtameng kenkuana idiay Bangar, La Union.
Nabigbig iti biktima a ni Benjamin Redolfin, addaan asawa ken residente ti Barangay San Blas.
Segun iti salaysay ti asawa ti biktima a ni Rowena, nagpakada daytoy a mapan mangayo ken nagsubli iti nagkaywan na gapu iti nabati na a buneng ngem saanen a nagawid pay.
Kinabigatan na, naamuan ti misis kenni alays Jonas, 37, addaan asawa, a naginom da ti biktima ken gapu iti kinabartek ket nakaturog daytoy ngem saan metten a nagpuot idi a ririingen na isu nga intaray na daytoy iti St. Catherine Hospital.
Iti dayta met laeng nga aldaw ket inyakar ti misis ti asawa na idiay Ilocos Training Regional & Medical Center ngem pimmusay kabayatan a maag-agasan.
Segun met iti Bangar Police Station, rimmuar iti imbestigasyonda nga agduma iti nakalanad a resulta iti death certificate da Dr. Lolito Racca ken Dr. Jeric Flor ti biktima.
Maisayangkat met ti otopsiyasa iti bangkay ti biktima tapno maamuan iti pundo a rason ti nakatayan daytoy.
