LA UNION – Arestado iti maysa a pinter iti insayangkat nga anti illegal drug buy bust operation dagiti kameng ti Bauang Police Station idiay Barangay Baccuit Sur, Bauang, La Union.
Base iti police report, nabigbig ti suspek iti nagan nga Oliver Anuran, 36, baro, residente ti Barangay Baccuit Norte, Bauang.
Nakumpiskar dagiti otoridad manipud iti ikot ti suspek iti maysa a plastic sachet a maipagarop a shabu ken buy bust money.
Iti suspek a maipagarop a nakaditine idiay Bauang Police Station ket sumangsango iti kaso a panaglabsing iti R.A. 9165 wenno Comprehensive Dangerous Drugs Act.
