BR LA UNION – Inruaren dagiti otoridad iti pakabigbigan ti driver ti Tesla Cybertruck a bimtak iti ruar ti Trump International Hotel idiay Las Vegas.
Nabigbig daytoy a ni Matthew Alan Livelsberger, maysa nga active-duty US Army Green Beret.
Iti suspek ket maysa nga Army Special Forces operations master sergeant, maysa daytoy a senior enlisted rank.
Addaan ti active duty idiay Germany iti 10th Special Forces Group ngem naka-on-leave daytoy idi mapasamak ti insidente.
Kinuna ti US Army a natay ni Livelsberger iti panagbettak ti trak ngem awan ti sabali nga impormasyon nga intedna.
Makitinnulong ti US Army kadagiti otoridad a mangimbestigar iti nasao nga insidente.
Maipalagip a pito met ti nasugatan gapu iti panagbettak.
Agtultuloy pay laeng nga imbestigaran dagiti otoridad nu adda pakainaiganna iti terorismo ti nasao nga insidente.
