BR LA UNION – Pinakdaraan ni Bishop Patricio Buzon manipud Diocese of Bacolod, iti publiko seknan iti maysa a tao a mangibagbaga a maysa isuna a missionary priest.
Segun kenni Buzon, maysa a tao ket agpam-pammarang kas Rev. Fr. Mario D. Divina, ken ibagbaga na a maysa a missionary priest iti Chaplaincy of the Holy Trinity idiay Bago City, Negros Occidental.
Ngem ti kinapudno na, saan daytoy a pudno a padi manipud Roman Catholic Church ken saan met a cleric iti diocese.
Segun kenni Bishop Buzon, saan a mabalin a mangisayangkat ti nasao a tao iti anyaman a sacraments, blessings, ken sacramentals iti sadinuman a simbaan, chaplaincies, oratories, gaputa saan a bigbigen ti diocese a maysa a padi, ket amin nga aramidenna a seremonya wenno blessings ket imbalido wenno awan bileg na.
