LA UNION – Nainget a maipatpatungpal ti curfew para kadagiti artleta ti Palarong Pambansa 2018 idiay Ilocos Sur.
Iti pannakiuman ti Bombo Radyo kenni Gertrudes Seguismundo, School Principal ti Sto. Domingo South Central School ti ili ti Sto. Domingo iti probinsya, kinuna na a natulnog dagiti atleta no sadino masursurot iti alas 10 ti rabii a curfew.
Kinuna na, saanda met a pawpawilan nga rimuar dagiti atleta no sadino nawaya dagitoy nga agpasyar ngem rumbeng ket addan dagitoy iti silid iti naituding nga oras.
VC – Gertrudes Seguismundo
Innayon na pay, agsinnublat met nga agbantay iti venue dagiti pulis ken barangay tanod iti uneg ti 12 nga oras.
Kabayatan na, dumanon met iti nasurok a 1000 nga delegado manipud iti National Capital Region (NCR) ti naka in-house ita iti Sinait National High School ken Sinait West Central School segun kenni Antonio Farinias, principal Sinait National High School mainaeg ti nasao nga sporting event.
