LA UNION – Awan iti problema iti taraon ken danom dagiti atleta para iti Palarong Pambansa 2018.
Iti pannakiuman ti Bombo Radyo La Union kenni Gertrudes Seguismundo, School Principal ti Sto. Domingo South Central School idiay Sto. Domingo, probinsya ti Ilocos Sur, supisyente iti supply para kadagiti atleta.
Segun kenni Seguismundo, dagiti atleta manipud iti Cordillera Administrative Region (CAR) ti naka in-house kadakuada, pakaibilangan pay dagiti pagadalan ti Sto. Domingo North Central School ken Benito Suriben Academy no sadino dumanon iti 750 delegasyon ti adda ditoy.
Kinuna na pay nga nakasuporta kadakuada ti local a gobierno no sadino addaanda ti naawat a pondo manipud iti Department of Education, Local Government Unit ken iti Provincial Goverment.
Kabayatan na, nasapa met a nagturong iti venue ti palaro dagiti atleta ti CAR tapno maka-adjust dagitoy iti nabara nga panawen.
