BR LA UNION – Binabalaw ti Palasyo ti Malakanyang ni Vice President Sara Duterte gaputi imbaga na nga agpul-pultika ni President Ferdinand Marcos Jr, kalpasan a naidatagan ti reklamo iti kabsat na a ni Davao City Rep. Pulong Duterte.
Segun kenni Palace Press Officer USec. Claire Castro, saan latta a nag-level up ni VP Sara kadagiti diskurso na a puro palusot.
Iti dak-dakamaten ni Castro ket iti waragawag ti bise presidente a ti reklamo kontra iti kabsat na a ni Cong. Pulong Duterte ket paset ti political attack ti administrasyon.
Impaganetget ni Castro, nga inaklon ken saan nga ilibak ti kongresista ti nasao a video.
Isunga salodsod na nu kasatnu nga ipabasol iti Presidente ken iti administrasyon iti aramid ti kabsat ti bise presidente.
Innayon pay ni Castro, nga ammo ni Cong. Pulong iti linteg ken dagiti obligasyon na kas public servant isunga rumbeng a sungbatanna iti reklamo kontra kenkuana.
