Impasigurado ti Malacañang a naan-anay iti maisaysayangkat a reporma iti Bureau of Customs (BOC), kalpasan nga imbilang ti US State Department kas kakorapan nga ahensia ti pagilian.
Segun kenni Palace Press Officer Undersecretary Claire Castro, seryoso iti Presidente iti laban kontra korapsion – banag nga impaganetget na iti kauddian a SONA.
Paset ti panagbalbaliw ket iti panakadutok ni Commissioner Ariel Nepomuceno tapno idauluan iti BOC ken ipatungpal iti nalawa a reporma.
Adda dagiti addang ti agdama a panakikoordinar ti ahensia iti American Chamber of Commerce ken US Embassy babaen ti Department of Foreign Affairs tapno ilawlawag ken ipakita nga addaan ti sweeping reform agenda a maipatpatungpal ken mailunglungalong iti transpareny, accountability, ken professionalism.
Nainget met a maipatpatungpal iti conflict of interest kadagiti professionals a saan nga mabalin a makipaset iti negosyo wenno maadaan ti financial interest kadagiti Customs brokerage.
Aganay 97% metten iti proseso para iti naparpartak ken transparent a serbisyo.
Mailunglungalong pay dagiti baro a sistema kas iti Overstaying Cargo Tracking ken panakikoordinar iti World Customs Organization.
Innayon pay ni Undersecretary Castro, mangnamnama isuda nga agbalin a positibo iti sungbat ti Estados Unidos kadagiti maipatpatungpal a panagbalbaliw.###
