BR LA UNION – Maragsakan ti Malacañang ti panagyaman ti ICC iti Pilipinas kalpasan ti pannaka-arestar ni sigud a Presidente Rodrigo Duterte ken pannakaisuko na iti ICC.
Daytoy ti reaksiyon ti Palasyo iti statement nga inaramid ti pannakangiwat ti International Criminal Court a ni Fadi El Abdallah.
Nagyaman ni Abdallah iti Pilipinas gapu iti panangipakitada ti commitment iti international accountability mechanism.
Gapu iti daytoy, pattien ni Malacañang a bigbigen ti International Criminal Court iti legalidad ti proseso ti panangaresto kenni sigud a Presidente Duterte.
Kinuna ni Palace Press Officer Claire Castro a ti statement ni Fadi El Abdallah ket panangipaneknek a ti pannakitinnulong ti Pilipinas iti Interpol ken ti pannakaipatungpal ti Republic Act 9851 ket saan a manglabsing iti anyaman a linteg.
Isunga awan basaran dagiti alegasyon nga illegal ti pannakaaresto ti sigud a Presidente.
