Imbutaktak ti Malacañang a saan da nga ammo no sadino iti ayan ni Bise Presidente Sara Duterte.
Segun kenni Palace Press Officer Claire Castro, iti kauddian a travel authorization a naipaay iti Bise Presidente ket iti biyahe na idiay South Korea ken idiay The Netherlands.
Adda ti naala nga impormasyon ni Castro a plano ti Bise nga agbiyahe idiay Kuwait nga in-anunsyo met ni Duterte kadagiti napalpalabas a lawas.
Kabayatanna, ur-urayen pay laeng ti Office of the President iti request a travel authority nga isubmitir ni Duterte.
Maipalagip nga idi Hulyo 28, nakasangpeten iti pagilian iti Bise Presidente manipud iti biyahe na idiay South Korea.
Idi Hulyo 29 agingana Hulyo 31 ket adda idiay Marinduque iti Bise Presidente a nangipaay dagiti relief goods kadagiti naduprak ti bagyo ken habagat.#
