LA UNION – Nakoronaan kas Miss World Philippines 2024 iti pambato ti Baguio City a ni Krishnah Marie Gravidez.
Ni Gravidez iti nagpannuray kadagiti 32 a kandidata iti coronation night a naisayangkat iti Mall of Asia Arena idi rabii ti Biyernes.
Malaksid iti nasao a titulo ket nagun-od pay iti Best in Evening Gown, Best in Swimsuit, Miss Skin by Cathy Valencia, Miss Photogenic, Miss Hello Glow, Miss Procap ken Miss Dr. Leo awards.
Nagun-od met ni Jasmine Omay ti Tarlac iti Miss World Philippines 2024 1st Princess title; bayat a Miss World Philippines 2024 2nd Princess ni Sophia Bianca Santos ti Pampanga.
Ni Dia Maté ti Cavite iti nangabak kas Miss Reina Hispano-americana Filipinas 2024 bayat a ti Miss Philippines Tourism 2024 ket napangabakan iti pambato ti Batangas a ni Patricia Bianca Tapia.
Nagun-od met ni Nikki Buenafe iti probinsiya ti Pangasinan iti Miss Multinational Philippines 2024 title ken Face of Beauty Philippines 2024 ni Jeanne Isabelle Bilasano ti Bicol Region.
Nagserbi host iti coronation night ni Billy Crawford kadwa na da Universal Woman 2024 Maria Gigante, Teejay Marquez ken Reina Hispano-americana Filipinas 2021 Emmanuelle Vera.
Ni Miss World Krystyna Pyszková ti Czechia iti nangipaay ti korona a ‘Rays of Hope’ kenni Krishnah bayat a ni Miss World Philippines 2022/2023 Gwendolyne Fourniol iti nangikabil ti sash.
