LA UNION – Dakkel ti panagyaman ti pamilia Tadifa iti naawat a P100,000 a ti kabagianda a centenarian babaen ti programa ti administrasion Duterte.
Maipalagip a maysa laeng ti 101-anyos a ni Tata Gervacio Tadifa iti Brgy. Dallangayan Oeste, kadagiti tallo a centenarians a nakaawat iti nasao a gatad manipud iti Department of Social Welfare and Development (DSWD) itay nabiit.
Iti pannakiuman ti Bombo Radyo iti manugangna a ni Joselyn, kinunana a nupay atiddog ti biag ti lakay ket mapili dagiti taraon nga ipaunegna tapno saan a kumaro dagiti sagsagabaenna a sakit.
Maysa, kunana, kadagiti sikreto ni Tata Gervacio ket ti kaawan ti bisiona kas iti panagsigarilio ken panaginom iti arak.
Kabayatanna, inaklon ni Tata Gervacio a kailiwna ti mangan kadagiti agkakaimas a taraon ngem agteppel daytoy para iti salun-atna.
