Pummigsa pay ti namnama ti pamilya dagiti biktima ti nadara a gyera kontra droga idi pinasingkedan ti International Criminal Court (ICC) Pre-Trial Chamber I ti kaso a crimes against humanity kontra kenni sigud a Presidente Rodrigo Duterte.
Pinagkedkedan ti ICC Appeals Chamber ti apela ti sigud a Presidente kontra kadagiti immun-una a desisyon a mangibasbasura iti panagkontra na ti hurisdiksiyon iti korte.
Segun kenni Atty. Gilbert Andres, maysa kadagiti common legal representatives dagiti biktima, napaay ti depensa ti kampo ti Duterte a sungbatan dagiti argumento ti prosekusyon. Apaman makumpirma dagiti kaso posiblen a mangrugi iti panagdengngeg inton sumaruno a tawen.
Addaan laengen ti agingga Abril 30 ti Pre-Trial Chamber tapno mangiruar ti desisyon. Apaman matuloy ti prosesoket mabalin a danonen ti innem a bulan agingga maysa ket kagudwa a tawen ti panagsagana sakbay ti mismo a panagdengngeg.
