Immapela ti pamilia ni Mary Jane Veloso iti Korte Suprema tapno dagus a risuten ti Petition for Writ of Habeas Corpus a nakapenpen ti dandani innem a bulan sipud idi naipila idi Nobiembre 2025.
Kinuestionaran ti petision iti legalidad ti agtultuloy a pannakaibalud ni Mary Jane iti Correctional Institution for Women.
Segun kenni Kathy Panguban ti National Union of Peoples’ Lawyers Women and Children Committee, paset ti mosion iti handwriting ni Mary Jane para iti Chief Justice a mangkidkiddaw a madengngeg iti petision tapno maammuan no adda ti umdas a basaran iti pannakaibaludna.
Naminsan manen a nagpakaasi da Celia Veloso ken Cesar Veloso kenni Presidente Ferdinand Bongbong Marcos Jr. nga ipaayan ti clemency iti anakda.
Kenuna ni Cesar a nabayagen nga agsagsagabada sipud pay idi 2010.
Kiniddaw ni Celia ita a Mother’s Day ken ti panagkasangayna inton Mayo 10 nga ipaay ti presidente ti kiddawda a makadenna manen ni Mary Jane.###
