LA UNION – Inlawlawag iti misis ken balo ni Barangay Kapitan Raul Octavo ti Barangay Pagdaraoan, San Fernando City, La Union a negatibo iti COVID 19 iti pimmusay nga asawa na, base iti resulta ti swab test daytoy.
Iti eksklusibo nga interview ti Bombo Radyo La Union kenni Jerelyn Octavo, kinuna na nga awan kinaagpaysu na iti ibagbaga ti sumagmamano a lumugar, a natay ti mister na gaputi coronavirus.
Impasigurado ni Jerelyn nga apaman a maipa-ima kenkuana iti resulta ti swab test ket ipakita na daytoy, tapno malawlawagan ti isyu.
Impeksa pay ni Jerelyn iti napalaos a liday da nga ag-iina kalpasan iti kellaat a panang-panaw kadakuada ti kapitan.
Lalo pay a nangnayon iti marikrikna da a liday iti saan a panangipalubos ti ospital a nakaiturongan ti mister na, a malamayan daytoy imbes ket rumbeng a maitabon iti uneg ti 12 nga oras.
Impaganetget ni Mrs. Octavo a siguden nga agsag-sagaba iti sakit nga asthma/angkit ti mister na, malaksid pay nga addaan daytoy ti highblood.
VOICE CLIP – Jerelyn Octavo
