LA UNION – Agtaltalinaed a burburtiya iti pamilya ti rason iti panagpakamatay ti balasitang idiay ili ti Aringay, La Union.
Sigun iti pangamaen ti balasitang, saanna met a maawatan iti linaon ti suicide note nga imbati ti kaanakanna sakbay a nagbekkel daytoy.
Awan met ti nadakamat a nadagsen a parikot ti balasitang iti pamilyana malaksid iti panagbalbaliw ti ugali daytoy.
Kinuna met ti manangen ti balasitang, mapagarup nga adda ti lalaki a kayat a magdadael iti kabsatna iti social media ngem nasken a mapaneknekan no daytoy iti rason ti panagbekkel.
Kabayatanna, saanda pay a makonpirmo no pudno wenno tsismis laeng nga addaan ti sex video nga agwarwaras ti social media ti balasitang kaddua ti nobyona.
Madama a malamlamayan idiay balayda ti bangakay ti nasao a balasitang.
