Agtultuloy iti panangtangkilik ti publiko kadagiti panaderia iti laksid dagiti agtultuloy a panagado dagiti modern bakeries ken dadakkel a merkado.
Nupay kasta, napaliiw iti panagbaba ti mapaspastrekan da iti inaldaw.
Segun kenni Lorna Calica, supervisor ti Julies bakeshop a naipasdek sipud idi 2002, maysa a makitkitada a rason ket ti pannakaipasdek ti kalatakan a mall ti probinsya a pagturturongan dagiti turista ken paggatangan metten ti publiko.
Innayon na pay nga agarup 50% laeng iti mapaglakuan da no idilig kadagiti napalabas a tawen.
Iti laksid daytoy a karit, agtatalinaed a nasayaat iti operasion, de kalidad ken presko dagiti lakoda, ken agtultuloy iti panagsarungkar dagiti customers.
