Impaganetget ni House prosecutor ken Bukidnon Rep. Jonathan Keith Flores a saan a kinakapoy nu di ket estratehiya tapnu mapapartak iti panagusing ti nagbalin a desisyon ti House prosecution a babaywen iti bribery article ti impeachment case kontra kenni Vice President Sara Duterte.
Segun kenni Flores, umdasen iti ebidensiya a nailanad ti prosecution kadagiti tallo a daddu pay nga artikulo, isu a saanen a kasapulan a mangisango ti kanayunan nga ebidensiya iti alegasyon ti panag-suhol.
Pormalen nga impakaammo ti prosecution iti Senate Impeachment Court iti panag-atras ti Article III, a mangpabpabasul kenni Duterte ti panag-suhol kadagiti opisyal ti Department of Education (DepEd) tapnu impluwensiyaan dagiti desisyon iti procurement idi isuna iti sekretario ti ahensya.
Inlawlawag ni Flores a kayat met ti prosecution a malpas iti panangiparang dagiti ebidensiya sakbay iti maysa a bulan a recess ti panagusig, tapnu makarugi met iti depensa ti panangisango iti dasig da kalpasan daitoy.
Nupay kasta, inlawlawag na a mabalin pay a mangisampa ti bukod a kaso a kriminal mainaig iti alegasyon idiay Office of the Ombudsman wenno Department of Justice.
Iti panagdengngeg inton Lunes, maipasidong iti cross-examination iti maudi a testigo ti prosecution iti alegasyon ti alegasion iti saan a mailawlawag a baknag.
Namnamaen met nga aginana iti prosecution kalpasan a makumpleto iti presentasyon daitoy ti Article II.
