Nagbalin a natalna ken naannayas iti pakabuklan panag obserba iti Sabado de Gloria idiay ili ti Bauang La Union.
Maipalagip a kagiddan iti panag obserbar iti nasantuan a lawas, kada sabado ket adda iti pammati dagiti Christiano Katoliko a agturong iti kabaybayan tapno agdigos ken maiwaksi dagiti nagbalin a basbasol.
Ita nga tawen, Sabado de Gloria nagbalin a naan-nayas, natulnog ken natalna iti pannag obserba dagiti turista ken umili.
Dinupodop iti ado a turista nga ganganaet ken lokal dagiti kabaybayan a masakupan iti Bauang La Union.
Nakaalerto dagiti amin a bumarangay, MDRRMO, PCG, BFP, PNP ken sabali pay a personelled uniform kadagiti kabaybayan a masakupan iti nasao a ili tapno mangmonitor ken mangited iti emerhensiya nu kasapulan dagiti tattao a dumar-ay ken bumisita.
Makita iti rupa dagiti amin a nagturong iti kabaybayan a naragsak da ken nagbalin a kompleto iti panag obserbar da.
Tampok pay dagiti naduma duma tradisyunal a ay ayam kas iti tug of war, agawan biit ken bangkaton iti nasao kabaybayan.
Nagbalin a napintas iti panawen ita a semana santa, awan iti anyaman a narikna a parikot wennu sabali a madi nga mapasamak iti panagpasyar da, iti pakabuklan nagbalin a napintas naurnos ken natalna iti panag obserbar iti semana santa ita a tawen.
