BR LA UNION – Sinita dagiti otoridad idiay southern India iti singer a ni Ed Sheeran kalpasan a sinorpresa na dagiti fans iti maysa a live performance.
Adda idiay Bangalore City iti four-time Grammy singer idi nagdesisyon nga ag-busking wenno agkanta iti kalsada asideg iti simbaan.
Bayat nga adda iti katengngaan ti panagkanta ti hit song na a “Shape of You” ket simmangpet dagti pulis ken inuksot da ti cable ti microphone ken gitara.
Segun kadagiti otoridad, pinagkedkedan da iti panagkiddaw ti permiso ni Sheeran agsipudta manggubway daytoy ti trapiko iti lugar.
Dackel ti pannakadismaya ti singer iti insidente agsipudta nagpakada da a mangisayangkat ti busking ngem saan da a napalubosan.
Maipalagip nga idi napan a tawen, nagbalin a sold out ti concert na idiay Mumbai.
Iti sumarsauno nga aldaw ket addaan pay daytoy ti dua a show iti lugar sakbay nga agturong idiay China ken United Arab Emirates.
