LA UNION – Insingasing ni Burgos, La Union Mayor Robert Madarangan kadagiti kakailyanna nga addaan ti kabagyan idiay ballasiw-taaw a mabalinda nga italek iti panangawat iti kwarta nga ipatulod dagitoy.
Naammuan ti Bombo Radyo a tarigagay iti nadakamat a singasing ni Mayor Madarang a maliklikan iti pannakidupudop kadagiti money remmitance outlets kabayatan nga agraraira ti enhance community quarantine kontra iti coronavirus disease 2019 (COVID-19).
Sigun iti alkalde, a mabalinda nga ipanagan dagiti Filipino workers nga adda iti abroad iti kapitan wenno treasurer ti barangay kas reciever ken isuda iti mangiyawat kadagiti kakabagyanda nga adda idiay ili ti Burgos.
Kabayatanna, impalagip ti mayor a masapul nga anusan iti panagtalinaed iti pagtaengan dagiti umili tapno saan a makaptan ti COVID-19.
