Pinaboran ni Malacañang iti tignay House Majority Leader Sandro Marcos a mangyadayo iti bagina kas Chairman ti House Committee on Rules iti aniaman a diskusion, deliberasion ken proceedings iti impeachment complaint kontra iti amana a ni Presidente Ferdinand Marcos Jr.
Segun ken ni Palace Press Officer Claire Castro, iti nagbalin a tignay ni Representative Marcos ket pagilasinan ti panagbalin nga statesman.
Mangipakpakita daytoy no ania iti katatao ken panagbalinna a disente.
Inlawlawag met ti Palasio nga awan iti pakainaigan ti Presidente iti nagbalin a desision ti anakna.
Innayon na pay a saan a makibiang ti Presidente iti aniaman nga addang ni Congressman Marcos gapu ta kasapulan na a suruten iti mandato.
Ket kas maysa nga agserserbi iti publiko, ammona no ania ti ibagbaga ti linteg ken no ania ti rumbeng nga aramiden.###
