Dinupudop iti naituding a vaccination rollout para kadagiti agtutubo nga agedad 12-17 anyos ti ili ti San Juan, La Union.
Segun kadagiti concerned citizens a nangipatulod ti ladawan, naobserbaran iti atiddog a pila ken iti saan a pannakasurot ti minimum public health standards gapu ti kinaadu ti bilang dagiti nagturong iti San Juan Gymnasium a nagsserbi kas vaccination site.
Maipagarup pay a saan a nagbalin a naurnos ti sistema agsipudta adda dagiti simmingit iti pila.
Apela met dagiti concerned citizens a saanen nga maulit ti nasao nga insidente ken namnamaen iti mas naururnos a sistema.
Inalla met ti Bombo Radyo La Union ti reaction ti Municipal Health Office ngem awan pay ti sungbat da iti agdama.
