LA UNION – “Saan laeng nga iti panangipatakder ti coal power plant nga agbalin a progreso iti maysa a lugar.
Daytoy iti makasang-sangit nga inyebkas ni alyas Lily, a residente ti Barangay Carisquis, idiay ili ti Luna, La Union, ken maysa kadagiti apektado a residente iti maipatakder a coal power plant ditoy probinsya.
Iti insayangkat a press conference a dinar-ayan ti naduma-duma a grupo ditoy siyudad ti San Fernando, imbatad na a mamati daytoy a mas naim-imbag a sabali a proyekto ti ipatakder iti lugar da ken saan a ti coal powet plant a dakkel ti epekto na iti salun-at ti maysa nga tao.
Maipalagip a nakamat ti Save La Union Movement, a maysa kadagiti mangkonkontra iti panangipatakder ti coal power plant, iti panangiruar ti Environmental Compliance Certificate (ECC) manipud iti Department of Environment & Natural Resources (DENR) Central Office para iti dagus a pannakaipatakder ti planta iti nasao nga ili.
