Maysa a babae a pulis iti natay ken ado dagiti nangdangran gapu ti panagbettak idiay Lviv, Ukraine, maysa nga insidente nga ibilang dagiti otoridad kas “terrorist attack.”
Segun ti report, pimmusay dagiti 23-anyos a pulis a ni Viktoria Shpylka, nadadael iti maysa a patrol car ken maysa a civil vehicle, bayat a 20 dagiti nasugatan.
Naaddaan ti panagbettak iti panagresponde dagiti pulis iti break-in report iti maysa a tiendaan asideg iti sentro ti ciudad.
Kenuna ti Ukrainian National Police nga homemade explosives ti nausar a naikabil kadagiti basuraan.
Napasamak iti umuna a panagbettak kalpasan a dimteng dagiti pulis ken sinaruno daytoy ti maysa pay a panagbettak idi dimteng ti maikadua a grupo dagiti opisial.
Segun kenni Ukrainian President Volodymyr Zelensky, nakabaluden dagiti sumagmamano nga indibidual, karaman ti maysa a 33-anyos a babai manipud Staryi Sambir asideg iti beddeng ti Poland, a mapapati a nangisayangkat ti atake babaen iti bilin ti maipagarup nga handler manipud pagilian a Russia.###
