Nangrugi ita nga aldaw, Marso 25, 2026, ti pormal a panagdingngeg iti impeachment case kontra kenni Bise Presidente Sara Duterte iti House Committee on Justice.
Iti laksid ti kaawan ti Bise Presidente, intuloy ti komite iti panangidatag kadagiti ebidensia ken testimonia manipud kadagiti complainants.
Dua nga impeachment complaints iti binigbig ti komite kas umdas ti porma ken substansiana, maibasar iti maipagarup a panaglabsing iti konstitusion ken panagabuso ti bileg.
Nangipatulod ni Duterte iti opisial a sungbat babaen ti legal team-na, a kumidkiddaw a maibasura dagiti kaso gapu iti kinakurang ti basaran.
Segun kenni Committee Chair Gerville Luistro, tuloy iti proseso a maitunos iti mandato ti Konstitusion uray awan ti Bise Presidente.
Manamnama nga agpaut ti hearing kabayatan ti pannakalatag dagiti dokumento ken testimonia dagiti saksi, ken no adda ti makita nga umdas nga ebidensia, mabalin nga isubmitir ti komite ti report iti plenario ti Kamara para iti botos no agtuloy ti impeachment trial iti Senado.###
