BR LA UNION – Kas ti ninamnama, pab-pabasolen ti China iti Pilipinas ti napasamak nga insidente idiay West Philippine Sea a panagdinungpar ti dua a barko dagitoy.
Maipalagip a nagdinnungpar iti China Coast Guard vessel ken Navy bayat ti panang-kamat da iti mas bas-bassit a barko ti Philippine Coast Guard.
Napasamak daytoy iti kabaybayan a sakop ti Bajo de Masinloc a simrek iti exclusive economic zone.
Laksid a dagitoy ti nagdinnungpar, pabasolen latta ti China iti Pilipinas, gaputi kuna da a presensya ti barko dagiti Pilipino .
Segun iti tagapagsarita ti China Coast Guard, ti addang da ket “legal ken kasapolan” tapno papanawen ti kuna da nga “illegal a panagserrek” ti Pilipinasiti aw-awagan da a Huangyan Island.
Saan man a direkta nga inaklon ti China ti dinnungpar iti bukod da a barko, ngem nainget da a kinondenar ti tignay ti Pilipinas.
