LA UNION – Iti laksid ti mapaspasaran nga epekto ti lock down gapu iti coronavirus disease 2019 (COVID-19) idiay Jeddah, Kingdon of Saudi Arabia (KSA) ket adda met dagiti Pilipino workers sadiay iti nangipeksa ti panangdayaw iti panang-istrikto dagiti otoridad.
Iti pnnakiuman ti Bombo Radyo kenni Rema Zhong, tubo iti ili ti Bacnotan, La Union ken mangmangged ti nasao a pagilyan, kinunana a nasayaat iti patakaran sadiay gapu ta agtultulnog iti gobyerno dagigti amin nga agtalinaed iti uneg ti balay.
Sobra iti kinadakkel iti multa kinunana para kadagiti matiliw a violators nga umabot iti 10,000 Saudi Riyal wenno kaibatugan iti P132,000 isu nga adu ti maamak nga aglabsing ti protocol.
Iti sabali a bangir, marikna met dagigti residente ti nasao a lugar iti kinakurang dagiti magatang a taraon kadagiti paglakkuan.
Sigun pay kennin Zhong, adda pay dagiti gundaway a maibus dagiti mailaklako a taraon kadagiti tiendaan ngem agyamyaman met daytoy gapu ta mangmangted iti rasyon ti employerda.
